TopKoha.com

GOLD AG – Komandant! /video/

admin — Sun, 22 Apr 2012 16:17:35 +0000

U lansua kënga dhe klipi më i ri nga reperi Preshevar Gold AG, këng dhe klip kjo që i dedikohet komandatit të UÇPMB-së Ridvan Qazimin (Komandant Lleshin). Gold AG këtë këngë e ka bërë në bashkpunim me këngëtarin kumanovar Ismet Bexhetin i cili është në refrenin e këngës kurse për klipin është përkujdesur produksoni nga Gilani Urban Graphic. Tekstin e ka shkruar vet Gold AG kurse intrumentalin e këngës ka bërë Dj Suat. shtë ky klipi i 2-të në këtë vitë që është lansuar nga Gold AG. Ai për presheva.com flet për këngën që ia kushtoi dëshmorit Rdivan Qazimit.

Gold AG ju keni lansuar një këng që ja keni bashkangjitur edhe videoklipin e cila i dedikohet komandant Lleshit, si erdhi ideja për këtë këng dhe për sa koh tu desh për ta shkruar këtë tekst?

Gold AG: Këngë për Lleshin në planë kam pas ta bëj më herët, po i erdhi momenti kur u kërkua nga komuna e Bujanocit ata e kanë kërkuar këngën ndërsa klipin e kan dhurat nga unë se ja vlen të mbetet mend gjithmonë.

Shikoni Videon

Reali “gjunjëzon” Barcelonën

admin — Sun, 22 Apr 2012 16:15:34 +0000

Real Madridi thyen tabunë e El Clasico duke mposhtur Barcelonën me rezultat 1-2, edhe atë si mysafir i saj.
Me këtë fitore, Reali i Madridit është shumë pranë titullit kampion, duke shpresuar t’i japë fund dominimit disavjeçar të Pep Guardiolës.
Me një Messi në hije dhe mesfushën e thyer në disa pjesë, Barcelona lejoi Realin e Madridit të tregonte muskujt në me një fitore 2-1 të kërkuar më shumë nga kryeqytetasit. Në minutën e 17 të takimit, gjermani Khedira përfitoi nga një rrëmujë në zonën e vendasve, duke e çuar topin në rrjetë.

Pjesa e parë nuk dhuroi asgjë tjetër më shumë se rasti i pastër i Xavit, i cili “qethi” shtyllën e djathtë të Casillas, duke treguar se kjo ishte një mbremje “jo” për blaugranat.

Pjesa e dytë nisi me një ritëm më të lartë dhe në minutën e 70, Sanchez konkretizoi një aksion të gjatë të Barcelonës duke kthyer “hijet” e së shkuarës te mbretërorët, por alarmi për skuadrën e Mourinhos zgjati vetëm 3 minuta sepse i përhershmi Ronaldo finalizoi një aksion model të nisur nga Ozil, duke i dhënë fitoren jo vetëm skuadrës së tij por edhe egos personale sepse Lionel Messi u eklipsua gjatë 90 minutave.

Me këtë fitore, Reali i Madridit shkon 88 pikë, 7 më shumë se Barcelona kur duhen edhe 4 javë kampionat. Në ndeshjet e tjera të ditës, Mallorca mundi 1-0 Zaragozzan, Sporting Gijon kaloi 2-1 Rayo Vallecanon.

Shpërblimi për dialogun (Arrestimi i policve)

admin — Sun, 01 Apr 2012 00:44:28 +0000

Pas arrestimit të Hasan Abazit dhe Adem Murselit, disa ditë më parë, Serbia vazhdon me masat policore ndaj shqiptarëve. Kësaj radhe, të arrestuarit janë dy policë të Kosovës, Shukri Binaku dhe Sami Beqiri.

Ministri serb Ivica Daçiç sot dha shfaqje për publikun serb, njësoj si në kohën e ish-shefit të tij, Millosheviçit, duke nxjerrë para mediave fotografitë e policëve të Kosovës të çarmatosur, të lidhur, e të shtrirë përtokë.

Me keqardhje më të madhe qytetarët e Kosovës sot panë një foto turpëruese dhe revoltuese, të policëve të Kosovës të shtrirë në këmbët e xhandarëve serbë. Kjo foto të revolton pavarësisht rrethanave, sepse ngjan më shumë me pengmarrje nga ana e ndonjë organizate terroriste, se sa një veprim institucional midis dy aktorëve shtetërorë. Kjo foto lë të kuptohet dëshirën për ta parë shtetin e Kosovës të shtrirë përdhe.

Qeveria e Kosovës me dialog me Serbinë ka dashur ta bind popullin e Kosovës dhe bashkësinë ndërkombëtare se Serbia ka ndryshuar nga vitet e nëntëdhjeta dhe se tani ajo e meriton statusin e kandidatit, më shumë duke bërë koncesione vetë sesa duke vendosur kushte për Serbinë. Sot, qeveria e Kosovës u mundua edhe të arsyetoj imazhet e fundit duke thënë se janë për konsum të brendshëm në Serbi, duke anashkaluar faktin se sot janë arrestuar dhe përdhosur institucionet e Kosovës.

Aktet e Serbisë janë larg imazhit paqedashës që po përpiqen t’i mveshin këtij vendi. Sot të jesh fqinj i Serbisë të bën po aq të rrezikuar sa përpara një shekulli. Sot të udhëtosh në Serbi, nëse je shqiptar, të bën objektiv të masave policore. Sot Serbia guxon të arrestojë edhe njerëz të veshur me uniformë, përfaqësues të institucioneve të Kosovës, të këtij vendi që jo më larg se para 12 vjetësh u përgjak e u dhunua prej të njëjtëve policë e ushtarakë serbë me të cilët mburret Beogradi.

Në vend se të kërkojë falje për krimet e luftës, për gjenocidin e për shkatërrimin human e material i cili ende e pengon cilëndo perspektivë të zhvillimit në Kosovë, Serbia vijon të sillet me arrogancën e sunduesit.

Aktet e sotme të Serbisë nuk janë befasi për shqiptarët, sepse i kemi parë shumë herë më parë në histori. Por janë si gjithmonë poshtëruese e nënçmuese ndaj shqiptarëve për të dëshmuar se Serbia nuk ka ndryshuar ndaj shqiptarëve. Përgjegjësia i bie qeverisë sonë që vijon të marrë pjesë në negociata e bisedime me këtë Serbi që vijon haptazi të mos e njohë, e ta poshtërojë shtetësinë e Kosovës.

Lëvizja VETËVENDOSJE! përsërit nevojën urgjente për të vendosur sovranitetin legjitim në gjithë territorin e Kosovës, sovranitet që nënkupton institucione funksionale e efektive. Vetëm ky sovranitet republikan mund ta ringrejë Kosovën në këmbë përballë Serbisë. Ky sovranitet republikan do ta mbronte shtetasin e Republikës së Kosovës dhe popullin e Kosovës në çdo kënd të territorit nga çdo rrezik i brendshëm dhe i jashtëm dhe nuk do lejonte poshtërimin e tij si shumë herë më parë.

31 mars 2012

Lëvizja VETËVENDOSJE!

Rrjeti në mur

M.A — Mon, 26 Mar 2012 18:53:54 +0000

Kompania japoneze Planex Communications paraqiti ruterin interesant pa tela për ata që kanë në dispozicion hapësirë të kufizuar jetese ose pune.

Pajisja me emërtim e komplikuar MZK-KR150N ka dimensione shumë kompakte dhe është e dizajnuar për instalim në vendin e prizës standarde të rrymës elektrike.

Pjesa e përparme e ruterit zbulon vetëm disa taste elementare për aktivizim dhe për WPS, antenën Wi-Fi, disa LED dioda kontrolluese, LAN konektorin dhe ndërprerësin për kalimin nga mënyra e punës si ruter ose Access point. Të përkrahur janë Etherneti 100-megabitësh dhe 802.11n Wi-Fi (deri në 150 Mbps), e shitja fillimisht do të nis në Japoni me çmim prej 119 dollarë/Telegrafi/

Tuna: Loriku, mashkulli më i bukur i Trojeve Shqiptare

admin — Mon, 26 Mar 2012 00:09:40 +0000

E pyetur për mashkullin më të pashëm Shqiptar, këngëtarja shqiptare nga Maqedonia, Altuna Sejdiu ose e njohur ndryshe me emrin Tuna është shprehur se Lorik Cana është mashkulli më i bukur në Trojet Shqiptare.Te meshkujt që më pëlqejnë shoh buzëqeshjen dhe dhëmbët e bukur, ndoshta shqiptari më i bukur është Lorik Cana, ka thënë Tuna, e cila gjithashtu ka shtuar se kur vjen puna te gjumi, preferon të flejë e zhveshur pa bizhama.
Ndoshta edhe mesfushorit të Lazios, i cili aktualisht nuk ka ndonjë lidhje publike, do ti ketë vajtur në vesh komplimenti i bukuroshes nga Shkupi. /albeu.com/

Babai i Françeskës: Edhe unë do puthja për 100 milionë

admin — Mon, 26 Mar 2012 00:06:18 +0000

Prindërit e Franceska Jaçes, banores simpatike nga Vlora në Big Brother, deklarojnë se e miratojnë çdo veprim që vajza e tyre ka bërë në shtëpi.
Babai i Franceskës, ka thënë në media se vajza e tij është duke luajtur me Ermalin duke shtuar se për 100 milionë lekë edhe ai do të jepte në një puthje.
Sipas prindërve të vajzës simpatike nga Vlora, Franceska po luan me fantazinë e saj pasi jashtë Big Brother nuk ka pasur asnjë të dashur.
Prindërit kanë thënë se vajza e tyre ia bën 8 me 2 Ermalit./Albeu.com/

Këngëtari James Blunt, dokumentar për Kosovën (VIDEO)

admin — Mon, 26 Mar 2012 00:02:13 +0000

Ish-ushtari britanik, i cili shërbeu në Kosovë në kuadër të forcave të KFOR-it pas intervenimit ushtarak që NATO bëri ndaj forcave serbe, tani, në rolin e këngëtarit, ka përgatitur një dokumentar duke shpalosur përvojën e tij në Kosovë dhe tmerrin që shqiptarët përjetuan në luftën e vitit 1999.
E gjitha e dokumentuar në video, nga lajmet e medieve botërore kur atëbotë raportonin për gjendjen dhe tmerrin që përjetonin civilët shqiptarë të Kosovës nga dhuna e forcave të ushtrisë, policisë e paramilitarëve serbë, e deri tek video-incizimet që vetë James i kishte bërë në raste të ndryshme gjatë shërbimit të tij në Kosovë.
Dokumentari “James Blunt: Return to Kosovo – From Soldier to Singer” (James Blunt: Kthimi në Kosovë – nga ushtari në këngëtar), shënon gjithashtu kthimin e tij në Kosovë për herë të parë pas vitit 1999, duke kënduar hitin e tij “You’re Beautiful” për ushtarët e KFOR-it të stacionuar në Kosovë. Ai gjithashtu shfaq edhe incizime të rralla nga video-ditari i tij gjatë shërbimit në Kosovë.
Dokumentari “James Blunt: Return to Kosovo” paraqet ish-kapitenin ushtarak të Britanisë, tashmë të shndërruar në këngëtar shumë të famshëm, duke performuar gjatë një koncerti që ai mbajti shtatorin e vitit 2006 për trupat e NATO-s në Kosovë, raporton Zëri. Regjisor i këtij dokumentari është Steven Cantor.
Më poshtë, shihni 3 pjesët e dokumentarit:

Pjesa1

Pjesa2

Pjesa3

Gafa e Dortmund, autobusi ikën pa lojtarin

admin — Sun, 25 Mar 2012 23:58:30 +0000

Një episod sa i cuditshëm aq edhe komik ka ndodhur të martën mbrëma në stadiumin e Greuther Fuerth, pas gjysmëfinales së Kupës së Gjermanisë midis vendasve dhe Borussia Dortmund.

Futbollistët dhe zyrtarët e Dortmundit ishin aq të emocionuar pas kualifikimit për në finale, saqë nuk dinin se “ku e kishin kokën”. Në stadiumin “Trolli Arena” ata harruan heroin e ndeshjes, Ilkay Gundogan. Mesfushori gjerman me origjinë turke ishte autor i golit që i dha Dortmundit biletën për në finale pikërisht në minutën e 120-të të takimit.

Ndërsa 21-vjecari po jepte intervistat e rastit, autobusi i skuadrës u largua drejt Dortmundit pa të. “Duhet t‘i kishte rënë dikujt në sy. Nuk e di si ndodhi kjo”, ka thene Gundogan.

Gjithsesi, për fat të mirë e gjitha pati fund të lumtur. Në castin kur një zyrtar i Fuerth u tregua i gatshëm ta conte lojtarin në aeroport, u pa autobusi i Dortmundit duke u kthyer për të marrë heroin me vete. Sapo Gundogan u fut në autobus, shpërthyen duartrokitjet për të. /albeu.com/

Neymar sërish bën show (VIDEO)

admin — Sun, 25 Mar 2012 23:52:16 +0000

Neymar, futbollisti i skuadrës braziliane Santos vazhdon të çmend kundërshtarët. Në takimin e Santosit me skuadrën e Ligës së 1-rë peruane, Juan Aurich, Neymar ka bërë driblime të tilla që ka ngritur në këmbë tifozët duke turpëruar kundërshtarët.Plot 5 futbollistë po mundoheshin ta pengonin, por e kotë. /albeu.com/
Shikoni këto momente:

Big Brother 5, në shtëpi edhe një 55-vjeçar

b.i — Sat, 18 Feb 2012 11:19:03 +0000

TIRANE- Maratona disamujore e Big Brother Albania, edicioni i pestë, do të vijë për publikun sonte në mbrëmje në ekranin e Top Channel. Ky televizion komunikoi zyrtarisht nisjen e tij ditën e sotme, duke mos pranuar të japë asnjë detaj më tepër.

Megjithatë burime brenda “Big Brother” thonë për suplementin THASH & THEM, se do të jenë mbi 14 persona, që do të hyjnë në shtëpinë me të famshme në Shqipëri, mes të cilëve për herë të parë edhe një 55 vjeçar.

Një risi kjo që Big Brother Albania ka menduar ta sjellë për publikun e saj. Ata thonë gjithashtu se, 3 prej konkurrentëve do të jenë nga Kosova.

Pas edicionit të katërt, ku fituese për herë të parë ishte një femër, organizatorët kanë zgjedhur persona të ndryshëm, të cilët do të bëjnë debat dhe natyrisht edhe “lidhjet rozë” të banorëve nuk do të mungojnë.

Mësohet gjithashtu se në këtë edicion të pestë të Big Brother Albania, do të ketë më shumë meshkuj me muskuj dhe mbi 1.80 të gjatë. Organizatorët shprehen se do të përpiqen të ruajnë raportin meshkuj-femra brenda shtëpisë.

Edhe këtë sezon, njëlloj si sezonin e kaluar, do të ketë një përzgjedhje brënda shtëpisë. Sipas organizatorëve, nuk është e thënë që të gjithë konkurrentët që do shohim të futen natën e parë, do të jenë banorët e përhershëm të këtij reality show. /albeu.com/

Gjithashtu ju njoftojme se topkoha.com do ta percjell ne vazhdimsi Big Brother Albania 5 dhe do ti keni te gjitha lajmet dhe te gjitha ndodhit e fundit nga Big Brother Albania 5.